Սանկտ Պետերբուրգում պայթյունից զոհվել է ռազմական լրագրող Տատարսկին, պայթել է նրան նվիրած հուշանվերը

Սանկտ Պետերբուրգի սրճարաններից մեկում տեղի ունեցած պայթյունի հետևանքով տուժածների թիվը հասել է 32-ի, նրանցից 10-ի վիճակը գնահատվում է ծանր, հայտնում է «ՌԻԱ Նովոստի»-ն:

Ըստ աղբյուրի՝ զոհվածը ռազմական թղթակից, բլոգեր Վլադլեն Տատարսկին է: Նրան ավելի վաղ ինչ-որ միջոցառման մասնակիցներից մեկը արձան էր նվիրել, ներսում՝ ինքնաշեն պայթուցիկ, որն էլ պայթել է: Պայթյունի ուժգնությունը կազմել է ավելի քան 200 գ տրոտիլ:

Ռուսական ԶԼՄ-ները գրում են, որ Վլադլեն Տատարսկին ծագումով Դոնբասից էր, մարտական ​​գործողություններին մասնակցում էր 2014 թվականից, իսկ 2022 թվականից ակտիվորեն լուսաբանում էր Ուկրաինայում ռուսական ռազմական գործողությունը։ Նրա Telegram ալիքին բաժանորդագրվել է ավելի քան 500 հազար օգտատեր:

Վլադլեն Տատարսկին մինչև 2017 թվականը ծառայել է հետախուզությունում։ Ծառայությունից հետո նա ուժերը փորձել է լրագրության մեջ:

2022-ի փետրվարին Վլադլենը վերադարձել է առաջնագիծ՝ որպես Daytime Vladlen և Evening Vladlen ալիքների անկախ ռազմական թղթակից։