Կորոնավիրուսի դեմ ռուսական դեղամիջոցի ստեղծողը պատմել է նրա առանձնահատկությունների մասին

«Լևիլիմաբ» դեղամիջոցը, որն ստեղծվել է COVID-19- ի բարդությունների բուժման համար, ի սկզբանե նախատեսված էր օգտագործվել ռևմատոիդ արթրիտի համար: Այս մասին ասել է Ռուսաստանի կենսատեխնոլոգիական BIOCAD ընկերության գլխավոր տնօրեն Դմիտրի Մորոզովը:

«Քանի որ աշխարհը ունի այս տեսակի դեղամիջոցի օգտագործման փորձ՝ COVID-19-ով հիվանդներին բուժելու համար, մենք սկսեցինք դրա կլինիկական փորձարկումները»,- մեջբերում է նրա խոսքերը RT- ն:

Փաթեթում կա երկու ներարկիչ, որոնք բժիշկները կարող են ներարկել և միաժամանակ, և որոշ ընդմիջումով: Այնուհետև հիվանդը տասը օր մնում է հսկողության տակ, որից հետո դուրս է գրվում:

Մորոզովը շեշտել է, որ սա լիովին ինքնատիպ դեղամիջոց է, որի մոլեկուլները ստեղծվել են ընկերության կողմից: Սկզբում ենթադրվում էր, որ այն պետք է ներարկվի՝ երբ հիվանդն ընկնում է ցիտոկինային փոթորկի մեջ, սակայն Կենտրոնական կլինիկական հիվանդանոցի բժիշկները կլինիկական փորձարկումների շրջանակներում մշակել են օգտագործման իրենց սեփական ռեժիմը:

«Հենց որ բժիշկները տեսնեն, որ մարդն ունի թեթև շնչարգելություն կամ COVID-19 հիվանդության այլ նշաններ, որոնք կարող են վերաճել և ավելի ծանրացնել հիվանդի վիճակը, նրանք կանխավ սկսում են կիրառել դեղամիջոցը»,- ասել է Մորոզովը:

Ավելի վաղ Biocad- ի մամուլի ծառայությունը հաղորդել էր, որ դեղը կառաքվի Ռուսաստանի հիվանդանոցներ մոտ երեք շաբաթից:

Ռուսաստանում կորոնավիրուսով վարակվածների թիվը գերազանցել է 476 հազարը, մահացել է 5 971 հիվանդ: