Իրանի Գերագույն առաջնորդի ներկայացուցիչը մեկնել է ՌԴ․ ի՞նչ է քննարկվելու
Իրանի ազգային անվտանգության բարձրագույն խորհրդի քարտուղար, երկրի Գերագույն առաջնորդի ներկայացուցիչ Ալի Աքբար Ահմադիանը մեկնել է Ռուսաստան՝ մասնակցելու ԲՐԻԿՍ-ի անդամ երկրների անվտանգության բարձրաստիճան պաշտոնյաների հանդիպմանը: Այս մասին հայտնում է ISNA -ն:
Իրանի ազգային անվտանգության բարձրագույն խորհրդի քարտուղարը նաև նախատեսում է երկկողմ բանակցություններ վարել «Զանգեզուրի միջանցքի» շուրջ որոշ գործընկերների, ռուս պաշտոնյաների հետ։
«Իրանի ազգային անվտանգության գերագույն խորհրդի քարտուղարը հանդիպման ժամանակ կքննարկի քաղաքական, անվտանգության և տնտեսական ոլորտներում երկկողմ հարաբերությունների կարևորագույն տարածաշրջանային, միջազգային զարգացումները և երկկողմ հարաբերությունները, միջանցքների, էներգետիկայի և այլնի վերաբերյալ Իրանի Իսլամական Հանրապետության դիրքորոշումները», – նշում է կայքը:
