Թուրքիայում զբոսաշրջիկների ավտոբուսը վթարի է ենթարկվել. կա երկու զոհ
Թուրքիայում վթարի է ենթարկվել զբոսաշրջիկների ավտոբուսը, որի հետևանքով կան զոհեր։ «ՌԻԱ Նովոստիի» տեղեկացմամբ, այս մասին հաղորդել է IHA-ն։
«Մեկօրյա շրջագայության մեկնած տեղացիներին տեղափոխող ավտոբուսը Աքյակա քաղաքում բախվել է կայանված երեք ավտոմեքենայի և կանգ է առել միայն տան պատին հարվածելուց հետո։ Ավտոբուսի մի քանի ուղևորներ դուրս են թռել վթարված տրանսպորտային միջոցից, մի քանիսը հայտնվել են սեղմված վիճակում», – ասվում է հաղորդագրության մեջ ։
Նշվում է, որ խափանվել են ավտոբուսի արգելակները։ Նախնական տվյալով ՝ վթարի զոհ է դարձել երկու մարդ, 28-ը տուժել են, որոնցից չորսի վիճակը ծանր է:
