Ռուսաստանում ՀՀ դեսպանն այսօր այցելել է Կուրսկի մարզ

Ռուսաստանում Հայաստանի դեսպան Վաղարշակ Հարությունյանը հուլիսի 2-ին այցելել է Կուրսկի մարզ։

Նահանգապետ Ալեքսեյ Սմիռնովի հետ հանդիպմանը դեսպանն ասել է, որ Հայաստանը հետաքրքրված է զարգացնել առևտրատնտեսական և գիտամշակութային կապերը Կուրսկի մարզի հետ։ Ռուսական կողմի տվյալներով՝ Կուրսկի և Հայաստանի մարզերի միջև ապանքաշրջանառությունն այս տարվա չորս ամիսների ընթացքում կազմել է ավելի քան 2 միլիոն դոլար։

Հարությունյանը Կուրսկում այցելել է Երկրորդ համաշխարհային պատերազմում նացիստների դեմ հաղթանակի հուշահամալիր և Հայ-ռուսական բարեկամության պուրակ։