Սա լիներ Երևանում, Նիկոլը ՆԳՆ նախարարին, ոստիկանապետին արդեն հրամայած կլիներ ժողովրդին սպանդի ենթարկել (տեանյութեր)

Եվ ենիչերիները դա կանեին

 

Փարիզում, Նանտում, Ռենում, Լիոնում և Ֆրանսիայի այլ քաղաքներում հազարավոր մարդիկ հավաքվել են հակաֆաշիստականի անվան տակ ծպտված սորոսական ու նմանաբնույթ այլ շարժումների և ձախ կուսակցությունների կոչով՝ ի նշան հունիսի 30- ին Ֆրասիայի խորհրդարանի ստորին պալատի արտահերթ ընտրությունների առաջին փուլում առաջատար ուլտրաաջ «Ազգային միավորման» հաղթանակի դեմ բողոքի:

Կարելի է ասել՝ նրանք հիստերիկայի մեջ են ընկել. տեսնելով Մակրոնի և իրենց մոտալուտ պարտությունը, դուրս են եկել տվյալ դեպքում քաղաքակիրթ, օրինական բողոքի շրջանակներից, անցած գիշեր անցել ջարդարարության ու հրկիզումների:

Ջարդել են խանութների ու սրճարանների ցուցափեղկերը, շրջել աղբամանները, հրկիզել դրանք ու տրանսպորտային միջոցներ: Օրինակ, ցուցարարները, «Actu Lyon» լրատվական պորտալի տեղեկացմամբ , Լիոնի Կրուա- Ռուս թաղամասում ջարդուփշուր են արել «Orange»- ի (բջջային օպերատորի) խանութը։  «Actu Lyon»- ի տվյալներով ՝ տուժել է նաև «Societe General» բանկի մասնաճյուղը: Ընդ որում, այսպես են վարվել այն դեպքում, երբ բողոքելու որևէ հիմք չունեն. Ֆրանսիայում ընտրություններն անցել են արդար, թափանցիկ, ժողովրդավարական կերպով, առանց կեղծիքների, ինչպես Հայաստանում է եղել:

«Ազգային միավորումը» եթե նույնիսկ ցանկություն ունենար էլ ընտրությունները կեղծելու, սկզբունքորեն չէր կարող, որովհետև ընտրությունները կազմակերպել են ու դրանց համար պատասխանատու են իշխանությունները, այսինքն՝ ընտրություններում պարտված Մակրոնի իշխանական թիմը:

Փարիզի Հանրապետության հրապարակում ցույցը սկսվել է երեկ երեկոյան ժամը 20: 00-ից՝ Ֆրանսիայում խորհրդարանական ընտրությունների 1- ին փուլի արդյունքների հրապարակումից հետո: Մայրաքաղաքում ցույցը մի քանի ժամ անցել է խաղաղ, սակայն հետո դրան միացել են «black bloc» շարժման արմատական տրամադրված երիտասարդները, որոնք սկսել են վերոնշյալ և այլ գործողություններով, օրինակ, ոստիկանների վրա ծխագլանակներ նետելով, սադրել ոստիկանությանը: Վերջինս ստիպված է եղել արցունքաբեր գազ է կիրառել ծայրահեղականներին և, ընդհանրապես, ամբոխին ցրելու համար:

Ըստ Ֆրանսիայի ՆԳՆ հրապարակած խորհրդարանական ընտրությունների 1- ին փուլի քվեարկության արդյունքների, «Ազգային միավորումը» ձեռք է բերել քվեների 33,4 տոկոսը, երկրորդ տեղում ձախերի «Նոր ժողովրդական ճակատ» կոալիցիան է (27,98 տոկոս), երրորդում՝ նախագահ Էմանուել Մակրոնի կողմնակիցների կոալիցիան (20,76 տոկոս):

Առաջատար «Ազգային միավորման» արդյունքը պատմական ռեկորդ է համարվում այդ կուսակցության համար։ Ինչպես նշել է AFP գործակալությունը, Ֆրանսիայում ծայրահեղ աջերը Երկրորդ համաշխարհային պատերազմից հետո առաջին անգամ կստանձնեն իշխանությունը:

Հունիսի 9-ին Ֆրանսիայի նախագահը հայտարարել էր Ազգային ժողովը ցրելու և արտահերթ ընտրություններ անցկացնելու մասին: Մակրոնն ընդգծել էր, որ Ֆրանսիային անհրաժեշտ է հստակ խորհրդարանական մեծամասնություն, որպեսզի «գործի հանգիստ և համերաշխ»: Ինչպես հայտնել Է BFMTV հեռուստաալիքը, Ֆրանսիայի առաջնորդն ընդունել է նախագահական «Վերածնունդ» կուսակցության ծանր պարտությունը Եվրախորհրդարանի ընտրություններում, որոնց ընթացքում այն երկու անգամ ավելի քիչ ձայն է հավաքել (15,4 տոկոս), քան ընդդիմադիր «Ազգային միավորում»  աջակողմյան կուսակցությունը, որի օգտին քվեարկել է ընտրազանգվածի 32 տոկոսը:

Ավելի ուշ, հունիսի 11- ին, «Bloomberg» պարբերականը հայտնել էր, որ Մակրոնի՝ խորհրդարանի ստորին պալատը լուծարելու և վերընտրություններ անցկացնելու որոշումը դժգոհություն և քաոս է առաջացրել նրա շրջապատում, մասնավորապես՝ նրա «Վերածնունդ» կուսակցությունում: Ինչպես նշվել է, Մակրոնը որոշել է խորհրդարանական քվեարկություն նախաձեռնել, որպեսզի վերականգնի քաղաքական նախաձեռնությունն այն բանից հետո, երբ իր կուսակցությունը Եվրախորհրդարանի ընտրություններում լիակատար պարտություն կրեց ծայրահեղ աջ «Ազգային միավորումից»՝ Մարին Լը Պենից:

Հինգերորդ հանրապետության պատմության մեջ առաջին անգամ ընտրություններն անցկացվում են նման սեղմ ժամկետներում։ Հունիսի 9- ի երեկոյան նախագահ Էմանուել Մակրոնի՝ խորհրդարանը ցրելու մասին հայտարարությունից հետո կուսակցությունները 3 շաբաթից էլ քիչ ժամանակ ունեին իրենց թեկնածուներին առաջադրելու և նախընտրական քարոզչություն իրականացնելու համար:

Ընտրությունների 2- րդ փուլը նախատեսված է հուլիսի 7-ին: Ֆրանսիացիները պետք է ընտրեն 577 պատգամավորի, որոնք իրենց շահերը կներկայացնեն երկրի խորհրդարանում:

Ի՞նչ են ուզում Մարին Լը Պենը, «Ազգային միավորումը» և նրանց ընտրած ու մեծամասնություն կազմող Ֆրանսիայի քաղաքացիները: Օրինակ, նրանք ուզում են վերջ տալ գլոբալիստների ու նրանց ներկայացուցիչ Մակրոնի միգրացիոն սխալ քաղաքականությանը, որի հետևանքով Ֆրանսիան հեղեղվել է Աֆրիկայից, Թուրքիայից, արաբական և այլ պետություններից եկած, երկրում հանցավորության մակարդակը բարձրացրած, Ֆրանսիայի ազգային նկարագրից շատ քիչ բան թողած միգրանտներով: Ճիշտ նույն քաղաքականությունն այժմ իրականացնում և առաջիկայում ավելի մեծ թափով իրականացնելու են Նիկոլ հայադավը և իր ոհմակը, եթե իշխանությունից չհեռացվեն:

Երկրորդ. ուզում են հնարավորինս նվազեցնել Ֆրանսիայի կախումն ԱՄՆ- ից, հնարավորինս անկախ, ինքնուրույն քաղաքականություն վարել:

Երրորդ. ուզում են վերջ տալ կամ առնվազն սահմանափակել Ֆրանսիայի կողմից Ուկրաինային ցուցաբերվող միլիարդավոր դոլարների ռազմական օգնությունը, դրա փոխարեն զարգացնել Ֆրանսիայի տնտեսությունը, բարձրացնել ֆրանսիացիների բարեկեցության մակարդակը:

Չորրորդ. ուզում են բարելավել Ֆրանսիայի հարաբերությունները Ռուսաստանի հետ, Ուկրաինայի պատճառով բանը չհասցնել նրա հետ ռազմական առճակատման և Երրորդ համաշխարհային պատերազմի:

Տեսանյութերում ուշադրություն դարձրեք, որ Ֆրանսիայի պես հարուստ և Հայաստանից բազմապատիկ մեծաթիվ բնակչություն ունեցող երկրում ջարդարարություն ու հրկիզումներ կատարած ցուցարարների դեմ ընդամենը մի քանի տասնյակ ոստիկաններ են դուրս եկել, մինչդեռ Հայաստանում ընդդիմության՝ օրենքի սահմաններում իրականացված բողոքի միջոցառումների ժամանակ ոստիկանների և ենիչերիների մի ամբողջ բանակ հանվեց շարժման դեմ: Եթե այն ամենը, ինչ անցած գիշեր տեղի է ունեցել Ֆրանսիայում, լիներ Հայաստանում, Նիկոլը ՆԳՆ նախարարին, ոստիկանապետին արդեն հրամայած կլիներ ժողովրդին սպանդի ենթարկել:

 

Արթուր Հովհաննիսյան

Տեսանյութերն՝ այստեղ