Հրազդան գետի վրա կտեղադրվեն աղբաորսիչ հարմարանքներ. Գետառի վրա կկառուցվի ջրերի մաքրման կայան
Երևանի 28 փողոցներում վերգետնյա մալուխները կանցկացվեն ստորգետնյա կապուղիներով: Այս մասին բշվեց այսօր՝ հունիսի 24-ին, Երևանի քաղաքապետարանի հերթական գործակարգավարական խորհրդակցության ժամանակ:
Կփորվի շուրջ 80 կմ խրամուղի: Գործընթացն այս տարի նախատեսված է Վարդանանց, Խորենացու, Մյասնիկյան, Աճառյան, Թումանյան, Տիգրան Մեծի, Մելիք-Ադամյան, Արգիշտիի և Հանրապետություն փողոցներում ու պողոտաներում:
Խոշոր տրամաչափի աղբի կուտակումից խուսափելու համար Հրազդան գետի վրա կտեղադրվեն աղբաորսիչ հարմարանքներ։ Աշխատանքները մեկնարկել են:
Գետառի վրա կկառուցվի ջրերի մաքրման կայան: Սարքերի մատակարարումն ընթացքում է:
