ԱՄՆ-ը Հարավային Կովկասում իր քաղաքականությունն ուղղակիորեն կապում է ՌԴ-ի և Իրանի դեմ պայքարի հետ. Սերգեյ Կոպիրկին

Եվրամիության դիրքորոշումը Ուկրաինայում Մայդանի ժամանակաշրջանում հստակ էր. Ուկրաինան կանգնած էր շատ պարզ ընտրության առաջ՝ եթե մեզ հետ չես, ուրեմն մեր դեմ ես։ Այս մասին Sputnik Արմենիա ռադիոյի «Աբովյան Time» հաղորդման եթերում ասաց Հայաստանում Ռուսաստանի արտակարգ և լիազոր դեսպան Սերգեյ Կոպիրկինը։

Նրա խոսքով, այս քաղաքականությունը Արեւմուտքը կիրառում է հետխորհրդային երկրների, եւ ընդհանրապես Ռուսաստանի հետ սերտ կապված երկրների նկատմամբ։

Նա նշեց, որ այս մոտեցումն արտացոլում է Արևմուտքի իրական նպատակը, որոնք ոչ թե փոխշահավետ համագործակցություն զարգացնելու ուղիներ գտնելն է, այլ Խորհրդային Միության փլուզումից հետո ստեղծված իրավիճակը աշխարհում իր գերակայությունը հաստատելու համար օգտագործելը։ Գաղութային մտածողությունը չի վերացել, այն պարզապես ձևափոխվել է, նշել է դեսպանը։

«Վաղուց հռչակված այս սկզբունքները դեռևս գործում են գեղեցիկ հռետորաբանության քողի ներքո։ Չնայած այս հռետորաբանությունը գնալով ավելի բացահայտ է դառնում։ Մենք դա տեսնում ենք Հարավային Կովկասի հետ կապված, երբ ամերիկյան ներկայացուցիչներն ուղղակիորեն իրենց քաղաքականությունն են սահմանում Ռուսաստանի և Իրանի դեմ պայքարի համատեքստում։

Այն, ինչ կատարվում է Ուկրաինայում, շատ դաժան դաս է. «Այն մեզ ասում է, որ երկրների ղեկավարներն իսկապես պետք է պատրաստ լինեն պաշտպանել իրենց երկրների ազգային շահերը»,- հավելեց դեսպանը։

Ուկրաինայում տեղի ունեցողի դասն այն է, որ եթե սոցիալական ճարտարագիտությունը, որը փորձարկվել է Արևմուտքի կողմից, հակասում է երկրի իրողություններին, իր մշակույթով և ժողովրդի ինքնությամբ, ապա դաժան հաշվեհարդար է հետևում, կարծում է դիվանագետը։

«Արևմուտքի փորձը՝ իրեն Աստծո տեղ դնելու, ի վերջո հանգեցրեց այն ողբերգությանը, որն այժմ ապրում են ուկրաինացի և ռուս ժողովուրդները։ Սա շատ լուրջ դաս և զգուշացում պետք է լինի բոլորիս համար։

Աշխարհում տեղի ունեցող իրադարձությունները ցույց են տալիս, որ այս մոտեցումը գերազանցել է իր օգտակարությունը, քանի որ այն դառնում է մարդկության գոյության սպառնալիք։ Երկրի վրա ավելի ու ավելի շատ մարդկանց համար պարզ է դառնում, որ ներկայիս աշխարհակարգը չի կարող պահպանվել, դա չափազանց վտանգավոր է։ Իրավիճակն աշխարհի տարբեր տարածաշրջաններում պայթում է: Մենք արդեն սկսում ենք ամենայն լրջությամբ խոսել երրորդ համաշխարհային պատերազմի սպառնալիքի մասին, իսկ ոմանք ասում են, որ այն արդեն սկսվել է։ Եվ դա Ռուսաստանը չէ, որ հրահրում է, Արևմուտքի հետևողական քաղաքականությունը հանգեցրել է այս իրավիճակին»,- ընդգծել է Կոպիրկինը։