Նոյեմբերին Բելառուսում տեղի կունենա ՀԱՊԿ Հավաքական անվտանգության խորհրդի նիստը
Նոյեմբերին Բելառուսում տեղի կունենան Հավաքական անվտանգության խորհրդի և ՀԱՊԿ երկրների պաշտպանության նախարարների խորհրդի նիստերը։ Այս մասին հայտարարել է հանրապետության պաշտպանության նախարարության միջազգային ռազմական համագործակցության վարչության պետի տեղակալ, գնդապետ Դմիտրի Ռյաբիխինը։
«Նոյեմբերին Բելառուսի Հանրապետությունում տեղի կունենա պաշտպանության նախարարների խորհրդի, արտաքին գործերի նախարարների և պետական անվտանգության քարտուղարների համատեղ նիստը։ Եվ կանցկացվի հավաքական անվտանգության խորհրդի հերթական նիստը մեր պետության ղեկավարի գլխավորությամբ»,- ասել է նա «Բելառուսն այսօր» պարբերականին տված հարցազրույցում։
Բացի Բելառուսից, որը 2023 թվականին նախագահում է ՀԱՊԿ-ում, կազմակերպության մեջ են մտնում Ռուսաստանը, Հայաստանը, Ղազախստանը, Ղրղզստանը և Տաջիկստանը։
