Էստոնիան Արցախից տեղահանված անձանց օգնության գրասենյակ է բացել Երևանում
Էստոնիայի փախստականների օգնության խորհուրդը Երևանում ներկայացուցչություն է բացել Արցախից տեղահանվածներին օգնություն ցուցաբերելու համար:
«Արցախպրես»-ի փոխանցմամբ՝ այս մասին հայտնում է Էստոնիայի պետական հեռուստառադիոընկերության կայքը։
«Պաշտոնական ներկայացուցչությունը հաջողությամբ գրանցվել է, մենք կարող ենք սկսել մարդասիրական օգնության տրամադրումը», – ասել է խորհրդի ղեկավար Էերո Յանսոնը:
Նախատեսվում է բազմաթիրախային դրամական օգնություն ցուցաբերել առավել խոցելի վիճակում գտնվող տեղահանվածներին, ինչպես նաև դրամական սուբսիդիաներ հատկացնել գյուղատնտեսական ոլորտի նախաձեռնությունների և փոքր բիզնեսի զարգացման համար։
