Երևանում երթ է՝ հաջակցություն Ռուբեն Վարդանյանի և Արցախի՝ գերեվարված այլ գործիչների
Սեպտեմբերի 30-ին Երևանում խաղաղ երթ է մեկնարկել հաջակցություն Արցախի նախկին պետնախարար Ռուբեն Վարդանյանի և թշնամու կողմից գերեվարված Արցախի զինվորականների ու պետական գործիչների։
Երթի կազմակերպիչ Ռուբեն Հայրապետյանը հայտարարեց, որ այս երթը շատ կարևոր է ընդհանուր պայքարի կոնտեքստում, որը չի սահամանափակվելու միայն երթով։
«Ավրորա» մարդասիական նախաձեռնության ղեկավար, Ռուբեն Վարդանյանի ընկեր Արման Ջիլավյանն ընթերցեց «Ավրորա» մարդասիրական նախաձեռնության հայտարարությունը, որը ներկայացվել է ողջ աշխարհին։
Հիշեցնենք, որ Արցախի նախկին պետնախարար Ռուբեն Վարդանյանը, որն անգնահատելի ավանդ ունի Արցախի և Հայաստանի կյանքում ոչ միայն որպես հասարակական և պետական գործիչ, այլև որպես բարերար և գործարար, սեպտեմբերի 27-ին գերեվարվել ադրբեջանցի զինվորականների կողմից
Նրա դեմ առաջադրվել են անհեթեթ և շինծու մեղադրանքներ։
ԶԼՄ-ները տեղեկացրել են նաև ադրբեջանցիների կողմից Արցախի պաշտպանության բանակի նախկին հրամանատար Լևոն Մնացականյանի, Արցախի անվտանգության խորհրդի նախկին ղեկավար Արշավիր Ղարամյանի և Արցախի պաշտպանության նախկին փոխնախարար Դավիթ Մանուկյանի ձերբակալման մասին։
Իսկ ժամեր առաջ էլ Բաքուն հայտարարեց Արցախի նախկին արտգործնախարար Դավիթ Բաբայանի ձերբակալման մասին։ Նշվել է, որ նրա դեմ ևս հարուցվել է քրեական գործ։
