Ոստիկանության կիրառած նռնակներից վնասվել են թեքվանդոյի չեմպիոն Իգոր Կարապետյանի ոտքերը. նա բոլորի աջակցության կարիքն ունի
Հանրապետության Հրապարակում սեպտեմբերի 19-ին ոստիկանության կիրառած լուսաձայնային նռնակից ծանր մարմնական վնասվածք է ստացել թեքվանդոյի բազմակի չեմպիոն Իգոր Կարապետյանը։
Panorama.am-ի տեղեկացմամբ, այս պահին նա ծանր վնասվածքներով հիվանդանոցում է։
Նրա ընկերները նշում են, որ Իգորի հարազատները Ստեփանակերտում են, նա գնացել էր հրապարակ իր հարազատների մասին որևէ լուր իմանալու։ Ոստիկանության գործողությունների ժամանակ Իգորը մեջքով է կանգնած եղել և չի տեսել իր վրա նետված նռնակը, ինչի հետևանքով էլ ոտքերը լուրջ վնասվել են։
Նշվում է, որ Իգորն արդեն մի քանի վիրահատություն է տարել։ Այսօր երիտասարդ տղան բոլորի աջակցության կարիքն ունի։
Թեքվանդոյի բազմակի չեմպիոնը Բժշկական ինստիտուտի ուսանող է։ Նա նաև աշխատում և պահում է իրեն և օգնում ընտանիքին։ Նրա հայրը զոհվել է 44-օրյա պատերազնում։ Հոր զոհվելուց հետո ընտանիքի հոգսը Իգորի ուսերին են։
Ի դեպ, Իգորը մեկ ամսից պետք է մասնակցեր միջազգային մրցումների։
Այժմ իրականացվում է դրամահավաք՝ նրա հետագա վիրահատությունների համար:
Հաշվեհամարներ՝ 4374690100322419 Յունիբանկ․
ՌԴ-ից փոխանցումները հնարավոր է անել հեռախոսահամարով՝ +79990953855 «Тинькофф» բանկ։
View this post on Instagram
