ՌԴ ԱԳՆ-ն՝ Մոսկվայում անցկացված երկկողմ և եռակողմ բանակցությունների մասին
ՌԴ ԱԳՆ-ն պաշտոնական հաղորդագրությամբ անդրադարձել է Մոսկվայում այսօր՝ մայիսի 19-ին կայացած ՀՀ, ՌԴ և Ադրբեջանի ԱԳ նախարարների եռակողմ և ՌԴ ԱԳ նախարարի՝ առանձին երկկողմ բանակցություններին։
«Եռակողմ ձևաչափով նախարարները քննարկել են հայ-ադրբեջանական հարաբերությունների կարգավորմանն ուղղված համատեղ ջանքերը»,- ասվում է գերատեսչության հաղորդագրության մեջ։
Վերահաստատվել է եռակողմ պայմանավորվածությունների կատարման կարևորությունը։
Անդրադարձ է կատարվել՝
Ռուսաստանի, Հայաստանի և Ադրբեջանի փոխվարչապետների համանախագահությամբ եռակողմ աշխատանքային խմբի հովանու ներքո տարածաշրջանում տնտեսական և տրանսպորտային կապերի ապաշրջափակման,
Ռուսաստանի խորհրդատվական աջակցությամբ ադրբեջանա-հայկական սահմանի սահմանազատման հանձնաժողովի,
Երկու հանրապետությունների միջև խաղաղության պայմանագրի նախագծի համաձայնեցման հարցերի շուրջ։
Առանձին երկկողմ բանակցությունների ընթացքում Դ.Ա. Բայրամովը և Ա. Ս. Միրզոյանը շարունակել են քննարկել Հայաստանի և Ադրբեջանի միջև «Խաղաղության պայմանագրի» նախագիծը:
Ս.Վ. Լավրովի և Դ. Ա. Բայրամովի հանդիպմանը մտքեր են փոխանակվել ռուս-ադրբեջանական կապերի զարգացման, տարածաշրջանային որոշ հարցերի շուրջ։
Սերգեյ Լավրովի և Ա.Ս.Միրզոյանի զրույցի ընթացքում քննարկվել են երկկողմ օրակարգի արդիական հարցեր, ներառյալ՝ մայիսի 8-9-ը ՀՀ վարչապետ Ն.Վ. Փաշինյանի՝ Ռուսաստանի Դաշնություն կատարած աշխատանքային այցի ընթացքում ձեռք բերված պայմանավորվածությունների իրականացումը:
