Ադրբեջանը պատրաստ է ռազմական ճնշում գործադրել ՀՀ-ի վրա․ ԱՄՆ ԿՀՎ
ԱՄՆ Կենտրոնական հետախուզական վարչությունը, Հետաքննությունների դաշնային բյուրոն, Պաշտպանության հետախուզության գործակալությունը և Ազգային անվտանգության գործակալությունը երեկ Կոնգրեսին են ներկայացրել գլոբալ ռիսկերի մասին տարեկան զեկույց, որում նշվում է, որ Հայաստանի և Ադրբեջանի հարաբերությունները ամենայն հավանականությամբ կշարունակեն լարված մնալ։
«Ադրբեջանա-հայկական հարաբերությունները ամենայն հավանականությամբ կմնան լարված և երբեմն անկայուն խաղաղության պայմանագրի բացակայության պատճառով՝ հաշվի առնելով զինված ուժերի մոտ լինելը միջպետական սահմանին, հրադադարի մեխանիզմի բացակայությունը, ինչպես նաև Ադրբեջանի պատրաստակամությունը՝ կիրառել ռազմական ճնշում Հայաստանի հետ բանակցություններում իր նպատակներն առաջ տանելու նպատակով»,- նշվում է հաղորդագրության մեջ։
Զեկույցում նշվում է նաև, որ «սահմանազատված սահմանի երկայնքով մոտ գտնվող զինված ուժերի շարունակական ներկայությունը մեծացնում է Հայաստանի և Ադրբեջանի միջև զինված առճակատման վտանգը, թեև նման բախումներ հավանաբար կլինեն սահմանափակ և ինտենսիվ»:
Զեկույցում արձանագրվում է նաև 2022-ի սեպտեմբերին Հայաստանի դեմ Ադրբեջանի ագրեսիայի և Արցախի դեմ սադրանքների մասին։
