Բայդենը պատմել է, ինչպես են բժիշկները ստուգել, թե ուղեղ ունի՞
Ամերիկայի Միացյալ Նահանգների նախագահ Ջո Բայդենը, ելույթ ունենալով Կոլումբիայի շրջանում հրշեջների համաժողովում, պատմել է այն մասին, թե ինչպես է ենթարկվել վիրահատության, որի նպատակն էր պարզել, թե արդյո՞ք ուղեղ ունի:
«Ես վերադարձա մի քանի օրվա ճամփորդությունից։ Ես սարսափելի գլխացավեր ունեի։ Ախտորոշումը եղել է… Ինչ էլ որ լիներ, նրանք ստիպված էին մի քանի անգամ հանել գագաթս՝ տեսնելու, թե արդյո՞ք ուղեղս տեղն է»,-նրա խոսքերն է փոխանցում DailyMail–ը։
ԱՄՆ առաջնորդը հստակեցրել է, որ անևրիզմի հետ կապված իրեն շտապ վիրահատություն է անհրաժեշտ եղել, սակայն վատ եղանակի պատճառով նա չի կարողացել բուժհաստատություն հասնել նույնիսկ հատուկ օդանավով: Եվ ԱՄՆ 46-րդ նախագահը հիվանդանոց է տեղափոխվել հրշեջ ծառայության մասնագետների շնորհիվ։
Ինչպես նշել է Սպիտակ տան ղեկավարը, գործողությունը, որը տևել է 9 ժամ, «փրկել է նրա կյանքը»:
