Արևմտյան գործընկերների մասնակցությամբ հակամարտությունների կարգավորման հաջողված օրինակներ չկան․ Զախարովա
«Այս տարածաշրջանը բառացիորեն կարելի է անվանել առանցքային, տարածաշրջան, որտեղ դեռ հույս կա, որ կիրականցվեն խաղաղարար այն նախաձեռնությունները, որոնք մշակել են կողմերը Ռուսաստանի հետ համատեղ, և ոչ թե Արևմուտքի կոպտությունը, որը ներդրվում է բոլոր հասանելի ու անհասանելի, օրինական ու հակաօրինական միջոցներով ճիշտ հակառակ նպատակով»,- ասել է ՌԴ ԱԳՆ պաշտոնական ներկայացուցիչ Մարիա Զախարովան «Սպուտնիկ» ռադիոյի եթերում, անդրադառնալով հայ-ադրբեջանական հակամարտության կարգավորմանը։
Նա ցավով նկատել է, որ երկար տարիներ այստեղ նկատում են նման միտում, այժմ արևմտամետներն էլ ավելի են ակտիվացել։
Զախարովան Հարավային Կովկասում իրավիճակին միջամտելու Արեւմուտքի փորձերն անվանել է անտակտություն։ Նրա խոսքով՝ այդ քաղաքականությունը վարվում է ոչ թե հակամարտությունը կարգավորելու, այլ «ուղիղ հակառակ նպատակի» համար։
ՌԴ ԱԳՆ պաշտոնական ներկայացուցիչը հիշեցրել է, որ արևմտյան գործընկերների մասնակցությամբ հակամարտությունների կարգավորման հաջողված օրինակներ չկան, մինչդեռ «հակամարտությունների թիվն ինչ-ինչ պատճառներով ավելանում է հավաքական Արևմուտքի նախաձեռնությամբ»։
«Ոչ ոք չի կարող ասել, թե որտեղ կպել է Արևմուտքի ոտքը, ձեռքը կամ էլ հավաքական Արևմուտքի միտքը, իրավիճակը բարալավվել է», – ասել է Զախարովան:
