Հայաստանն այս ողբերգական պահին եղբայրական Հունաստանի և նրա ժողովրդի կողքին է. Արարատ Միրզոյան
ՀՀ արտգործնախարար Արարատ Միրզոյանը Հունաստանում տեղի ունեցած ողբերգության առիթով ցավակցություն է հայտնել իր հույն գործընկերոջը՝ Նիկոս Դենդիասին:
«Խորապես վշտացած եմ Հունաստանում գնացքների սարսափելի բախման լուրից, որը տասնյակ կյանքեր խլեց։ Մեր անկեղծ ցավակցություններն ենք հայտնում զոհվածների ընտանիքներին և ընկերներին, իսկ վիրավորներին մաղթում ենք շուտափույթ ապաքինում։
Հայաստանն այս ողբերգական պահին եղբայրական Հունաստանի և նրա ժողովրդի կողքին է»,- գրել է Արարատ Միրզոյանը «Թվիթերի» իր միկրոբլոգում:
Հիշեցնենք որ հունական Լարիսա քաղաքից ոչ հեռու գտնվող Տեմպի բնակավայրում բեռնատար և մարդատար գնացքներ են բախվել, մահացել է 32 մարդ, 85 տուժած կա։
