Թրամփի և նրա նախկին փոխնախագահ Փենսի տներում կրկին գաղտնի փաստաթղթեր են հայտնաբերվել
ԱՄՆ 45-րդ նախագահ Դոնալդ Թրամփի փաստաբանները Ֆլորիդայում գտնվող Մար-ա-Լագոյի կալվածքում հայտնաբերել են գաղտնի փաստաթղթեր և պետության նախկին ղեկավարի օգնականի նոթբուքը, հայտնում են AP-ի և ABC-ի աղբյուրները:
Բացի դրանից, Հետաքննությունների դաշնային բյուրոյի աշխատակիցները Ինդիանա նահանգում ևս մեկ գաղտնի փաստաթուղթ է գտել նախկին փոխնախագահ Մայք Փենսի անունով:
Այժմ բոլոր նյութերը ուսումնասիրում է ՀԴԲ-ն, հավելել են հեռուստաալիքները։
Փենսի ներկայացուցչի խոսքով՝ նախորդ օրը նրա փաստաբանները խուզարկության համաձայնություն են տվել, որը տևել է հինգ ժամ։
ԱՄՆ նախկին փոխնախագահը իրավաբաններին հանձնարարել է շարունակել համագործակցել իրավասու մարմինների հետ և լինել լիովին բաց մինչև գործընթացի ավարտը։
Գաղտնի փաստաթղթերի ոչ պատշաճ պահպանման վերաբերյալ վարույթն ԱՄՆ-ում սկսվել է անցած ամառ՝ Ֆլորիդայում Դոնալդ Թրամփի նստավայրում խուզարկություններով:
Աշնանը գործող նախագահ Ջո Բայդենի առանձնատան ավտոտնակում և այս տարվա սկզբին Մայք Փենսի կալվածքում «գաղտնի» մակագրությամբ փաստաթղթեր են հայտնաբերվել:
