Պետդումայում հայտարարել են, որ ԱՄՆ-ը ուկրաինացիներին վերածում է «անհետացող տեսակի»
Սևաստոպոլից Պետդումայի պատգամավոր Դմիտրի Բելիքը հայտարարել է, որ ամերիկյան իշխանությունները, աջակցելով Ուկրաինայում էսկալացիային, ուկրաինացի ժողովրդին վերածում են «անհետացող տեսակի»։
«Վաշինգտոնը, ուրիշի ձեռքերով Ռուսաստանին վնասելու իր խելագար ցանկությամբ, ուկրաինացիներին դրդում է սպանդի՝ դրանով իսկ ուկրաինացի ժողովրդին վերածելով Կարմիր գրքում գրանցված անհետացող տեսակի», – «ՌԻԱ Նովոստի»-ին ասել է Բելիքը։
Նրա կարծիքով, Վաշինգտոնն արդեն գիտակցում է իր դիրքորոշման վնասակարությունը, հետևաբար, մոտ ապագայում նրանք կարող են Ռուսաստանին առաջարկել Ուկրաինայի հակամարտությունը սառեցնելու ճանապարհ։
