Ճապոնիան արգելել է Ռուսաստան արտահանել կարևոր ռազմավարական ապրանքներ
Ճապոնիան հայտարարել է ՌԴ-ի դեմ լրացուցիչ պատժամիջոցների մասին՝ արգելելով Ռուսաստան արտահանել կարևոր ռազմավարական ապրանքներ և սառեցնելով տասնյակ ֆիզիկական անձանց ակտիվները։
Ճապոնիայի առևտրի նախարարության տեղեկացմամբ՝ երկիրն արգելել է Ռուսաստան մատակարարել ապրանքներ, որոնք կարող են օգտագործվել ռազմական պոտենցիալի ամրապնդման համար, ներառյալ կիսահաղորդչային սարքավորումներն ու կոմպլեկտավորողները, ռոբոտները, էներգիայի գեներատորները, պայթուցիկ նյութերն ու պատվաստանյութերը։
Արտահանման նոր արգելքն ուժի մեջ կմտնի փետրվարի 3-ին, նշվել է հաղորդագրությունում։
Ճապոնիան նաև սառեցրել է Ռուսաստանի ևս երեք իրավաբանական և 22 ֆիզիկական անձանց ու 14 «ռուսամետ» ֆիզիկական անձանց ակտիվները ՝ կապված «հարավարևելյան Ուկրաինայի անեքսիայի» հետ։