Արցախի շրջափակման սցենարի ավարտից հետո պետք է պատրաստ լինենք մեկ այլ սցենարի․ Կարեն Հովհաննիսյան
Բաքվի բռնապետի վրա ճնշումների մեծացումը զուգահեռաբար բերելու է Արցախի շրջափակման օղակի ավելի սեղման։
Բաքվի բռնապեը հիմա փորձելու է շատ կարճ ժամանակահատվածում գոնե մինիմալ զիջումներ կորզել Արցախից։
Ինչո՞ւ եմ ասում Արցախից, քանի որ հասկացել է, որ Արցախով չի կարող Հայաստանից զիջումներ կորզել։ Բայց փորձելու է ներքին լսարանին գոհացնել։
Կարծում եմ, որ նա նաև բաց տեքստով ներքին լսարանի մասին ասել է բոլոր նրանց, ովքեր ճնշումներ են գործադրում Բերձորի միջանցքի ապաարգելափակման համար։
Կարծում եմ , որ առաջիկա օրերին, եթե ոչ ժամերին, Բաքվի բռնապետը վերջին ճիգերն է գործադրելու, որպեսզի պարտադիր ապաարգելափակման դիմաց գոնե մի բան ստանա, որն էլ ներքին լսարանի համար դարձնի խաղարկվող հաղթաթուղթ և Շուշիի մերձակայքից հետ կանչի ու պարգևատրի «էկոակտիվիսներին» իրենց «պայքարը» «հաղթական» ավարտին հասցնելու համար։
Արցախի շրջափակման սցենարի ավարտից հետո պետք է պատրաստ լինենք մեկ այլ սցենարի․․․
Կարեն Հովհաննիսյանի ֆեյսբուքյան էջից
