ԵԽԽՎ-ում Լաչինի միջանցքի վերաբերյալ քննարկումները նախատեսված են հունվարի 26-ին
Եվրախորհրդի Խորհրդարանական վեհաժողովը երեկ հաստատել է Լաչինի միջանցքի շրջափակման հարցի քննարկման վերաբերյալ վերջնական օրակարգը։
Հինգշաբթի ՝ հունվարի 26-ին, ցերեկային նստաշրջանին (Ստրասբուրգի ժամանակով 17:00-20:00) տեղի կունենան քննարկումներ Լաչինի միջանցքի շրջափակման հումանիտար հետևանքների լուծման ընթացիկ հարցերի վերաբերյալ։
Նկատենք, որ քննարկման այս ձևաչափը չի նախատեսում որևէ փաստաթղթի ընդունում։