Զելենսկին խնդրել է Ուկրաինային F-16 կործանիչներ փոխանցել
Ուկրաինայի նախագահ Վլադիմիր Զելենսկին, ելույթ ունենալով «Ռամշտեյն» ավիաբազայում Կիևի դաշնակիցների հանդիպման ժամանակ, հայտարարել է՝ ակնկալում է, որ այդ ձևաչափով հաջորդ նիստը կմնա պատմության մեջ՝ Ուկրաինային F-16 կործանիչներ և մեծ հեռահարության հրթիռներ տրամադրելու որոշումների շնորհիվ, գրում է BBC-ի ռուսական ծառայությունը։
Զելենսկու խոսքով՝ դաշնակիցներն ի վիճակի են «երաշխավորել հրետանի և ինքնաթիռներ, որոնք կոչնչացնեն ահաբեկչությունը»։
ԱՄՆ պաշտպանության նախարար Լլոյդ Օսթինն էլ կոչ է արել մասնակիցներին աջակցել Ուկրաինային ռազմական օգնությամբ՝ նշելով, որ Ռուսաստանի զինամթերքը սպառվում է և այն նշանակալի մարտական կորուստներ ունի։
