Հրդեհի հետեւանքով զոհված Դավիթ Սարգսյանը Կոշ գյուղից էր. 2 օրից կլրանար նրա ծառայության մեկ տարին
Գեղարքունիքի մարզի Ազատ գյուղում տեղակայված N զորամասի ինժեներասակրավորային վաշտի կացարանում բռնկված հրդեհի հետեւանքով զոհվել է շարքային զինծառայող Դավիթ Սարգսյանը։ 19–ամյա Դավիթը Արագածոտնի մարզի Կոշ գյուղից էր։ Երկու օրից կլրանար նրա ծառայության մեկ տարին։ Այս մասին NEWS.am-ի հետ զրույցում ասաց համայնքի վարչական ղեկավար Աշոտ Ենգիբարյանը։
«Դավիթը դաստիարակված, մարդասեր, հայրենասեր տղա էր։ Դպրոցում շատ լավ էր սովորում, ողջ գյուղը սգում է տղայի մահը»,– ասաց Աշոտ Ենգիբարյանը։
Դավիթը 9–ամյա կրթությունից հետո ընդունվել էր քոլեջ. ավտոմեխանիկ էր ուզում դառնալ։ Նա ընտանիքի ավագ զավակն է։ Երկու եղբայր եւ մեկ քույր ունի, եղբայրներից մեկն օրեր առաջ է զորակոչվել բանակ։
Դավիթը մասնակցել էր սեպտեմբերյան ռազմական գործողություններին։
Ավելին՝ սկզբնաղբյուրում
