Երևանը պատրաստ է երկկողմանի կապ հաստատել ՀԱՊԿ և ԱՊՀ շրջանակներում. Դենիս Գոնչար
Երևանը կառուցողականորեն է ընկալում կենսաանվտանգության ոլորտում համագործակցության Ռուսաստանի նախաձեռնությունները, հայկական կողմը պատրաստ է երկկողմանի կապ հաստատել ՀԱՊԿ և ԱՊՀ շրջանակներում։ Այս մասին, ասել է ՌԴ արտգործնախարարության ԱՊՀ երկրների դեպարտամենտի տնօրեն Դենիս Գոնչարը ՏԱՍՍ-ին տված հարցազրույցում։
«Գործընկերներին արդեն ցուցադրվել են ռուսաստանյան կենսաբժշկական զարգացումները։ Երևանը պատրաստ է մեծացնել համագործակցությունը, այդ թվում՝ կադրերի, պատվաստանյութերի համատեղ արտադրության հարցում»,- նշել է նա։
Ըստ Գոնչարի Մոսկվան նույն փոխըմբռնման հույսը դնում է ողջ Անդրկովկասի վրա։
«Մենք պետք է համոզվենք, որ հետխորհրդային տարածքում կենսահետազոտությունը չի սպառնում Ռուսաստանին, հաշվի առնելով Ուկրաինայում ԱՄՆ ծրագրերի հետ կապված իրավիճակը»,- հավելել է նա։
