Արցախում 19 անչափահաս է թունավորվել
Արցախում 19 անչափահաս է թունավորվել, տեղեկությունը հայտնում է Արցախի դատախազությունը։
«Այսօր ժամը 13:50-ից սկսած Արցախի առողջապահության նախարարության «Արևիկ» ԲԿ և այլ բժշկական հաստատություններ են դիմել 19 անչափահասներ, որոնց մոտ ախտորոշվել է հավանաբար սննդային թունավորման հետևանքով առաջացած «սուր գաստրիտ»:
Դիմորդներից 12-ին ցուցաբերվել է ստացիոնար բուժօգնություն, նրանցից 9-ը շարունակում է ստանալ բժշկական օգնություն հիվանդանոցային պայմաններում»,–ասված է հաղորդագրության մեջ։
Նշվում է, որ ձեռնարկվում են անհրաժեշտ քրեադատավարական միջոցառումները՝ կասկած հարուցող սննդամթերքի նմուշառման, փորձաքննությունների կազմակերպման, քաղաքացիների առողջությանը պատճառված վնասի աստիճանը և թունավորման պատճառները պարզելու ուղղությամբ:
