Արցախի նախագահի հետ հանդիպմանն իմ զորակցությունն եմ հայտնել Հայաստանի և Արցախի հայությանը. Վալերի Պեկրես

Օրերս Ֆրանսիա էր այցելել Արցախի պատվիրակությունը՝ հանրապետության նախագահ Արայիկ Հարությունյանի գլխավորությամբ։

Հարությունյանը հանդիպել է Ֆրանսիայի Իլ-դե-Ֆրանս շրջանի խորհրդի նախագահ Վալերի Պեկրեսի հետ, որն իր համերաշխությունն ու զորակցությունն է հայտնել Արցախի և Հայաստանի հայ ժողովրդին։ Այս մասին Պեկրեսը գրառում է արել «Թվիթերի» իր միկրոբլոգում։ Նա մասնավորապես գրել է.

«Հանդիպեցի Արցախի Հանրապետության նախագահին, ես նրան վերահաստատել եմ իմ համերաշխությունն ու զորակցությունը Հայաստանի և Լեռնային Ղարաբաղի հայությանը։

Հարավային Կովկասում խաղաղությունն ու կայունությունը պահանջում են Լեռնային Ղարաբաղի հակամարտության խաղաղ լուծում»: