ԵՄ-ը ցանկանում է օգտագործել Ռուսաստանի Կենտրոնական բանկի ակտիվները Ուկրաինային օգնելու համար
Եվրամիությունը կարող է Ռուսաստանի Բանկի սառեցված ակտիվները փոխանցել Ուկրաինային՝ օգնելու երկրի վերականգնմանը, հայտնում է Bloomberg-ը՝ հղում անելով աղբյուրներին։
«Եվրամիությունը ուսումնասիրում է Ռուսաստանի կենտրոնական բանկի միլիարդավոր եվրոների ակտիվները, որոնք արդեն սառեցվել են անդամ երկրների կողմից, Ուկրաինայի վերականգնման համար օգտագործելու հնարավորությունը»,- ասվում է հաղորդագրության մեջ:
Քննարկումները վաղ փուլում են, և փորձագետներին հանձնարարվել է ուսումնասիրել տարբերակները:
Ակտիվների նկատմամբ վերահսկողություն ձեռք բերելու հնարավորության և միջոցների գնահատումը «չափազանց բարդ է և պոտենցիալ հղի է իրավական հետևանքներով», ընդգծում է գործակալությունը։
Բացի դրանից, մի շարք երկրներում սառեցվել են Ռուսաստանի Բանկի և Ռուսաստանի Դաշնությունից ֆիզիկական ու իրավաբանական անձանց ակտիվները։