ՀՀ-ն 2023-ին դիվանագիտական ներկայացուցչություններ կբացի մի շարք երկրներում
«Հայաստանը 2023 թվականին դիվանագիտական ներկայացուցչություններ կբացի մի շարք երկրներում։ Դրանք և դեսպանություններ են և հյուպատոսություններ և դիվանագիտական ներկայացուցչություններ»,- նոյեմբերի 3-ին Ազգային ժողովում՝ մշտական խորհրդարանական հանձնաժողովների համատեղ նիստում, 2023 թվականի պետական բյուջեի նախագծի քննարկման ժամանակ հայտարարեց Հայաստանի արտգործնախարար Արարատ Միրզոյանը։
Տվյալ պահին, ինչպես նշեց դիվանագետը, նախատեսում ենք դեսպանություն բացել Ուրուգվայում, ինչպես նաև գլխավոր հյուպատոսություն Իրանի Թավրիզ քաղաքում։ «Վերջերս Իրանը գլխավոր հյուպատոսություն էր բացել Կապանում։ Մենք վաղուց էինք պայմանավորվել Թավրիզում հայկական հյուպատոսություն բացելու մասին։ Ինչ վերաբերում է Ուրուգվայում դեսպանության բացմանը, ապա այս պայմանավորվածությունը ձեռք է բերվել Ուրուգվայի արտաքին գործերի նախարարի Հայաստան կատարած այցի ժամանակ։
Այսինքն՝ անցած տարի։ Ուրուգվայում դեսպանության բացումը մեզ հնարավորություն կտա, հիմնվելով այս հարթակի վրա, հարաբերություններ հաստատել Լատինական Ամերիկայի այլ երկրների հետ»,- ասաց Միրզոյանը։
Հայաստանը նախատեսում է բացել նաև դիվանագիտական ներկայացուցչություններ։ Կիպրոսում այն կգործի Հունաստանում Հայաստանի դեսպանության ներքո։ Դիվանագիտական ներկայացուցչություններ կբացվեն նաև Սերբիայի մայրաքաղաք Բելգրադում (Չեխիայում Հայաստանի դեսպանության ներքո)։
Արտաքին գործերի նախարարն առանձին նշեց Հայաստանի և Կիպրոսի ավանդական ջերմ հարաբերությունների մասին։
«Շատերի համար կարող է տարօրինակ թվալ, որ Կիպրոսում ներկայացուցչություն մինչ օրս չի եղել: Ես տեսնում եմ հարաբերությունների զարգացման հեռանկարներ նաև Սերբիայի հետ։ Այն դեսպանություն է բացել Երևանում։ Հայաստանը, փոխադարձության հիման վրա, դիվանագիտական ներկայացուցչություն կբացի Սերբիայում։ Մենք հյուպատոսություն ենք բացելու նաև Վլադիկավկազում։ Այս որոշման մեջ էական դեր են խաղացել Վերին Լարսի հետ կապված խնդիրները»,- ասաց Հայաստանի ԱԳ նախարարը։
