Ադրբեջանի հատուկջոկատայինները զորավարժություններ են սկսում Ադրբեջան-Իրան սահմանին
Ադրբեջանի զինված ուժերի հատուկ նշանակության ստորաբաժանումները (սպեցնազ) վարժանքներ են սկսել երկրի հարավային սահմանների մոտ։ Զորավարժություններն անցկացվում են 2022 թվականի մարտական պատրաստության պլանի համաձայն, դրանք ղեկավարում է Հատուկ նշանակության ուժերի հրամանատար, գեներալ-լեյտենանտ Հիքմեթ Միրզաևը, գրում են ադրբեջանական ԶԼՄ-ները։
Զորավարժությունների հետագա փուլերում հատուկ նշանակության ստորաբաժանումները կկատարեն մի շարք առաջադրանքներ՝ համագործակցելով իրենց աջակցող ռազմաօդային ուժերի և հրթիռահրետանային զորքերի ստորաբաժանումների հետ։
Հիշեցնենք, որ հոկտեմբերի վերջին Իսլամական հեղափոխության պահապանների կորպուսը լայնածավալ զորավարժություններ է անցկացրել Ադրբեջանի հետ սահմանին։