Իրանը միշտ հաղթահարել է ամբարտավան թշնամիների դավադրությունները. Ամիր Աբդոլահիան
Իրանի արտգործնախարարն իր թուրք գործընկերոջ հետ հեռախոսազրույցում, անդրադառնալով Շիրազում տեղի ունեցած ահաբեկչությանն ասել է, որ Իրանը միշտ հաղթահարել է հպարտ թշնամիների դավադրությունները։ Այս մասին գրում է ParsToday-ը:
Մևլութ Չավուշօղլուի հետ հեռախոսազրույցում, Ամիր Աբդոլլահիանը հայտարարել է, որ վերջին շրջանում Իրանի թշնամիները փորձում են ապակայունացնել երկիրը և օգտվելով իրավիճակից՝ հնարավորություն ստեղծել ԻԼԻՊ-ի ահաբեկչական հարձակման համար:
Ամիր Աբդոլահիանը հավելել է, որ Իրանը բազմիցս ականատես է եղել նման դավադրությունների և միշտ հպարտորեն հաղթահարել դրանք։
Թուրքիայի արտգործնախարար Մևլութ Չավուշօղլուն հեռախոսազրույցում նշել է, որ Իրանը և Թուրքիան պարզապես երկու հարևան երկրներ չեն, այլ երկու եղբայրական երկրներ, որոնք միշտ եղել են միմյանց կողքին լավ և վատ պահերին։