Փաշինյանին Իրանում ընդունել է երկրի նախագահ Էբրահիմ Ռաիսին
Իրանի նախագահ Էբրահիմ Ռաիսին այսօր Թեհրանի «Սադաբադ» համալիրում ընդունել է Հայաստանի վարչապետ Նիկոլ Փաշինյանին, այս մասին հայտնում է Mehrnews-ը:
Փաշինյանը Թեհրան է ժամանել այսօր՝ Իրանի նախագահ Էբրահիմ Ռաիսիի հրավերով:
ՀՀ վարչապետին դիմավորել է Իրանի պլանավորման և բյուջեի կազմակերպության ղեկավար Մասուդ Միրքազեմին։
Փաշինյանն ու Ռաիսին հանդիպման ընթացքում կքննարկեն երկկողմ և տարածաշրջանային հարցեր, կստորագրեն համագործակցության փաստաթղթեր և կմասնակցեն մամուլի ասուլիսի։ Փաշինյանի օրակարգում է նաև հանդիպում Իրանի մի խումբ պաշտոնյաների հետ։