Պուտինը Էրդողանին առաջարկել է Թուրքիայում գազային հանգույց ստեղծել
ՌԴ նախագահ Վլադիմիր Պուտինը Թուրքիայի նախագահ Ռեջեփ Էրդողանին առաջարկել է Թուրքիայում գազային հանգույց ստեղծել։
«Ձեր էներգետիկայի նախարարի և Botas ընկերության նախագահի հետ խորհրդակցությունից հետո մենք պայմանավորվել ենք «Գազպրոմ»-ի հետ, եւ ես այդ մասին հրապարակավ հայտարարեցի։ Մենք մտադիր ենք Թուրքիայի տարածքում գազային հանգույց ստեղծել»,-ասել է Պուտինը։
«Մենք կարող էինք հանգիստ կարգավորել գները նորմալ, շուկայական մակարդակով, առանց քաղաքական նրբերանգի»,-հավելել է Պուտինը։
Պուտինը հիշեցրել է Ուկրաինայի կողմից «Թուրքական հոսքի» վրա վերջին հարձակման փորձերի մասին։
