Հայ-ադրբեջանական սահմանին մարտական գործողությունների վերջին էսկալացիան «մեծ ուշադրություն է պահանջում»․ ԵԽԽՎ նախագահ
Հայ-ադրբեջանական սահմանին մարտական գործողությունների վերջին էսկալացիան «մեծ ուշադրություն է պահանջում»։ Այս մասին հայտարարել է ԵԽ Խորհրդարանական վեհաժողովի նախագահ Թինի Քոկսը։
Նա Հայաստանին և Ադրբեջանին կոչ է արել կրկնապատկել ջանքերը հակամարտության խաղաղ լուծում գտնելու հարցում, որը «այդքան բացասաբար է ազդում Հարավային Կովկասի տարածաշրջանում միլիոնավոր մարդկանց կյանքի վրա»:
«Ես հայ և ադրբեջանցի խորհրդարանականներին կոչ եմ անում Վեհաժողովն օգտագործել որպես հարթակ ամենաբարդ հարցերը քննարկելու համար։ Պետք է սկսել կառուցողական երկխոսություն՝ տարաձայնությունների շուրջ դիրքորոշումները մերձեցնելու համար։ Եթե ոչ հիմա, ապա ե՞րբ», – ասել է Քոկսը մամուլի ասուլիսում։