Երկկողմ համաձայնագրերի գործադրումը բխում է Իրանի և Ռուսաստանի շահերից. Մոխբեր
ԻԻՀ առաջին փոխնախագահ Մուհամմեդ Մոխբերը չորեքշաբթի օրը Մոսկվայում հանդիպել է ՌԴ նախագահի օգնական Իգոր Լևիտինի հետ: Այս մասին գրում է ParsToday-ը:
Հանդիպմանը Մոխբերն ընդգծել է երկու երկրների միջև պայմանավորվածությունները գործադրելու անհրաժեշտությունը. Նա ասել է. «Երկու երկրների միջև ձեռք բերված պայմանավորվածությունների գործադրումը բխում է Իրանի և Ռուսաստանի կառավարությունների ու ժողովուրդների շահերից»:
Iran Press գործակալության հաղորդմամբ՝ կարևորելով տարբեր ոլորտներում երկկողմ համագործակցության ընդլայնումը, Մոխբերն ասել է. «Ռաշտ-Աստարա երկաթուղու գործարկումը և գործարարների ու մասնավոր հատվածի գործունեությունը հեշտացնելու համար բանկային համագործակցության զարգացումն արդյունավետ դեր կխաղան Թեհրանի և Մոսկվայի միջև համագործակցության մակարդակի բարելավման գործում»:
ՌԴ նախագահի օգնականը նշել է, որ ռուսական խոշորագույն առևտրային ընկերությունների ղեկավարները պատարստվում են հանդիպել իրանական բարձրաստիճան պատվիրակության հետ՝ քննարկելու առևտրատնտեսական համագործակցության զարգացումը: Նա հավելել է, որ Մոսկվան լուրջ ջանքեր է գործադրում՝ Թեհրանի հետ ձեռք բերված պայմանավորվածություները գործադրելու ուղղությամբ:
Չորեքշաբթի օրը, Իրանի առաջին փոխնախագահ Մուհամմեդ Մոխբերը, գլխավորելով քաղաքական-տնտեսական բարձրաստիճան պատվիրակություն, Կասպյան երկրորդ տնտեսական համաժողովում ելույթ ունենալու և ռուս պաշտոնյաների հետ։հանդիպելու նպատակով, ժամանել է Մոսկվա: