ՆԱՏՕ-ն նախազգուշացրել է դաշնակիցներին Սև ծովում ռուսական հնարավոր միջուկային փորձարկումների մասին. Times
ՆԱՏՕ-ն դաշինքի անդամ երկրներին նախազգուշացրել է, որ Ռուսաստանը կարող է միջուկային փորձարկումներ իրականացնել Սև ծովում՝ դրանով իսկ ցույց տալով զանգվածային ոչնչացման զենք կիրառելու իր պատրաստակամությունը։ Այս մասին հայտնում է The Times-ը՝ վկայակոչելով պաշտպանության բարձրաստիճան աղբյուրը։
Նրա խոսքով՝ Հյուսիսատլանտյան դաշինքը վստահ է, որ Սև ծովում փորձարկումների սցենարն ավելի հավանական է, քան մարտավարական միջուկային զենքի կիրառումն Ուկրաինայում։
Չնայած նրան, որ երկրորդ սցենարը «չի բացառվում», այն հղի է մեծ ռիսկերով, այդ թվում՝ հենց Ռուսաստանի համար, սխալի դեպքում տուժել կարող են երկրի շատ քաղաքներ, գրում է Times-ը։
