ԱՄՆ-ը նախապես ծանուցել է Գերմանիային «Հյուսիսային հոսք»-ի վրա հնարավոր հարձակումների մասին. Spiegel
Մի քանի շաբաթ առաջ Գերմանիայի իշխանությունները տեղեկություն են ստացել «Հյուսիսային հոսք» և «Հյուսիսային հոսք 2» գազատարների վրա հնարավոր հարձակման մասին։ Այս մասին Spiegel-ի գերմանական խմբագրությանը հայտնել են աղբյուրները։
«Մի քանի շաբաթ առաջ Միացյալ Նահանգները նախազգուշացրել է Գերմանիայի կառավարությանը Բալթիկ ծովում գազատարների վրա հնարավոր հարձակումների մասին», – գրում է Spiegel-ը։
Այս տեղեկությունը Բեռլինին է փոխանցել ԱՄՆ ԿՀՎ-ը, պարզաբանում է հրատարակչությունը։
Հրատարակչությունը հրապարակել է նաև Բունդեսվերի բարձրաստիճան ներկայացուցչի մեկնաբանությունը, որից հետևում է, որ էներգետիկայի համար կարևոր խողովակաշարերը խոցելի են արտաքին ազդեցության սպառնալիքի նկատմամբ։
Նախորդ օրը ճնշման անկում է տեղի ունեցել «Հյուսիսային հոսք» և «Հյուսիսային հոսք 2» խողովակաշարերում։ «Հյուսիսային հոսք 2»-ում արտահոսքի մասին հայտնել է նաև Դանիայի էներգետիկ գործակալությունը։
Ավելի ուշ շվեդ սեյսմոլոգները հայտնել են, որ իրենք ստորջրյա պայթյուններ են գրանցել գազատարների տարածքում։
