Զինդատախազի նորանշանակ տեղակալ Սևակ Հովհաննիսյանն ազատվել է պաշտոնից
ՀՀ գլխավոր դատախազ Աննա Վարդապետյանի հրամանով Սևակ Հովհաննիսյանն ազատվել է ՀՀ զինվորական դատախազի տեղակալի պաշտոնից: Նա այդ պաշտոնում նշանակվել էր երեք օր առաջ։
Հրամանում ասվում է.
«Հիմք ընդունելով Ս. Հովհաննիսյանի դիմումը և ղեկավարվելով «Դատախազության մասին» ՀՀ օրենքի 9-րդ հոդվածի 2-րդ մասի 7-րդ կետով, 30-րդ հոդվածի 3-րդ մասով, 62-րդ հոդվածի առաջին մասի 1-ին կետով՝
Հրամայում եմ՝
ՀՀ զինվորական դատախազի տեղակալ, արդարադատության երրորդ դասի պետական խորհրդական Սևակ Ալֆրեդի Հովհաննիսյանին ազատել զբաղեցրած պաշտոնից սեպտեմբերի 19-ից»:
Հատկանշական է, որ Սևակ Հովհաննիյանը այդ պաշտոնում նշանակվել էր ընդամենը երեք օր առաջ՝ Աննա Վարդապետյանի հրամանով:
