Հայաստանը չի մասնակցել ՄԱԿ-ում Զելենսկուն տեսաուղերձի հնարավորություն տալու հարցի քվեարկությանը

Չինաստանը, Իրանը, Բրազիլիան և մի շարք այլ երկրներ ձեռնպահ են քվեարկել Վլադիմիր Զելենսկուն ՄԱԿ-ի Գլխավոր ասամբլեայի բարձր մակարդակի նստաշրջանի շաբաթվա համար տեսաուղերձ ուղարկելու իրավունք տալու վերաբերյալ քվեարկության ժամանակ: Լուրը հայտնում է «ՌԻԱ նովոստի»-ն:

Ավելի վաղ Գլխավոր ասամբլեան կողմ է քվեարկել համապատասխան որոշմանը։

Որոշումն ընդունվել է պարզ մեծամասնությամբ, ինչը նշանակում է, որ ձայները հաշվելիս հաշվի չեն առնվել չքվեարկողների և ձեռնպահների քվեները։ Արդյունքում կողմ է քվեարկել 101 պետություն։ Յոթը (Ռուսաստանի Դաշնություն, Կուբա, Բելառուս, Էրիթրեա, Հյուսիսային Կորեա, Նիկարագուա, Սիրիա) դեմ են եղել։

Ձեռնպահ են 19 երկրներ, այդ թվում՝ Չինաստանը, Բրազիլիան, Իրանը, Իրաքը, Պակիստանը, Հարավային Աֆրիկան։
Չքվեարկածների թվում են՝ Վիետնամ, Հայաստան, Ղրղզստան, Տաջիկստան, Թուրքմենստան, Ադրբեջան։
Որոշմանը կողմ են քվեարկել ԱՄՆ-ը, Մեծ Բրիտանիան, Գերմանիան, Վրաստանը, Հնդկաստանը, Լատվիան, Լիտվան, Մոլդովան, Ֆրանսիան, Ուկրաինան, Էստոնիան և այլք։