Շոլցի հայտարարությունը Ուկրաինայի մասին ափերից հանել է ԱՄՆ-ին
Գերմանիայի կանցլեր Օլաֆ Շոլցի հայտարարությունը Ուկրաինային որոշակի տեսակի սարքավորումներ մատակարարելուց հրաժարվելու մասին վրդովել է ԱՄՆ-ին, գրում է Die Welt-ը։
«Ամերիկյան համբերությունը հատել է. երկար ժամանակ Բեռլինը թաքնվում էր ԱՄՆ-ի հետ հավասար զենք մատակարարելու մասին նարատիվում», – ասվում է հրատարակության մեջ:
Հոդվածում նշվում է, որ Ջո Բայդենի վարչակազմի աչքում Շոլցի անվճռական ընթացքը միայն ոճական տարբերություն չէ, այժմ Վաշինգտոնը կասկածի տակ է դնում Գերմանիայի կանցլերի հավատարմությունը Կիևին։
Լրագրողները կարծում են, որ միայն ԱՄՆ-ի ճնշման ներքո է Գերմանիան համաձայնել ծանր զինատեսակներ փոխանցել Ուկրաինային, իսկ հետո բազմակի հրթիռային համակարգեր։ Վերջերս կանցլերը հայտարարել է, որ Գերմանիայի իշխանությունները հետևակի մարտական մեքենաներ և տանկեր չեն մատակարարի, քանի որ ԱՄՆ-ը ևս դա չի անում, նշված է նյութի մեջ։
