Հայաստանում օդի ջերմաստիճանն աստիճանաբար կբարձրանա 2-3, այնուհետև կնվազի 5-8 աստիճանով

Հայաստանի տարածքում սեպտեմբերի 11-ի ցերեկը, 14-ին՝ առանձին շրջաններում, 15-ի գիշերը՝ շրջանների զգալի մասում սպասվում է անձրև, 14-ին՝ նաև ամպրոպ: Սեպտեմբերի 12-13-ը, 15-ի ցերեկը և 16-ին սպասվում է առանց տեղումների եղանակ:

Քամին՝ արևելյան` 2-5 մ/վ, ամպրոպի ժամանակ սպասվում է քամու ուժգնացում 16-20 մ/վ արագությամբ:

Օդի ջերմաստիճանը սեպտեմբերի 11-13-ն աստիճանաբար կբարձրանա 2-3, իսկ 14-15-ը՝ կնվազի 5-8 աստիճանով։

Երևան քաղաքում սեպտեմբերի 11-ի ցերեկը, 12-13-ը և 15-ի ցերեկը, 16-ին սպասվում է առանց տեղումների եղանակ: Սեպտեմբերի 14-ի երեկոյան ժամերին, 15-ի գիշերը սպասվում է անձրև և ամպրոպ: Ամպրոպի ժամանակ սպասվում է քամու ուժգնացում մինչև 15-19 մ/վ արագություն: