Պեսկովը մեկնաբանել է ԼՂ-ում խաղաղապահների գործողությունների մասին Փաշինյանի խոսքերը
Ռուսաստանի և Հայաստանի սերտ շփումները թույլ կտան պարզել Լեռնային Ղարաբաղում խաղաղապահների գործողությունների հարցերը։ Այս մասին հայտարարել է ՌԴ նախագահի խոսնակ Դմիտրի Պեսկովը՝ պատասխանելով ՀՀ վարչապետ Նիկոլ Փաշինյանի խոսքերին։ Ավելի վաղ Փաշինյանը հայտարարել էր, թե «խիստ անհրաժեշտ է Լեռնային Ղարաբաղում խաղաղապահ օպերացիայի մանրամասների ճշգրտումը»։
«Կան եռակողմ փաստաթղթեր, որոնք հիմնական ելակետն են։ Միևնույն ժամանակ, սերտ շփումները, որոնք մենք տարբեր մակարդակներում ունենք հայկական կողմի հետ, թույլ կտան պարզաբանել այս հարցերը»,-ասել է Պեսկովը։
