Պուտինը Թեհրանում կհանդիպի Իրանի և Թուրքիայի ղեկավարների հետ
Ռուսաստանի նախագահ Վլադիմիր Պուտինը հուլիսի 19-ին պաշտոնական այցով կմեկնի Իրանի Իսլամական Հանրապետություն։
Սպասվում է, որ այնտեղ Ռուսաստանի ղեկավարը երկկողմ հանդիպումներ կունենա Իրանի նախագահ Իբրահիմ Ռաիսիի և Թուրքիայի նախագահ Ռեջեփ Թայիփ Էրդողանի հետ։
Առանցքային օրակարգը սիրիական կարգավորմանն աջակցելու Աստանայի գործընթացի երաշխավոր երկրների ղեկավարների եռակողմ հանդիպումն է։
Ավելի վաղ նախագահի մամուլի քարտուղար Դմիտրի Պեսկովը հաստատել էր, որ պատրաստվում է նախագահի այցը Թեհրան։ Պեսկովը նաև հաստատել է Պուտինի և Էրդողանի միջև սպասվող բարձր մակարդակի շփումները։