Լավրովը ժամանել է G20-ի երկրների արտգործնախարարների հանդիպմանը
Արտաքին գործերի նախարար Սերգեյ Լավրովը ժամանել է G20-ի երկրների արտգործնախարարների հանդիպմանը, որը տեղի է ունենում Ինդոնեզիայի Բալի կղզում, հայտնում է «ՌԻԱ Նովոստի»-ի թղթակիցը։
ԱԳ նախարարը ժամանել է hանդիպման մեկնարկից մի քանի րոպե առաջ, բայց ոչ վերջինը։ Լավրովից հետո ժամանել են Սաուդյան Արաբիայի, Չինաստանի, ինչպես նաև ԱՄՆ պետքարտուղարը, Գերմանիայի և Ֆրանսիայի ԱԳ նախարարները և Բրիտանիայի ներկայացուցիչը արտաքին գործերի նախարարության ղեկավար Լիզ Թրուսի փոխարեն, որն իր հայրենիքում քաղաքական սկանդալի պատճառով ընդհատել է Բալի ուղևորությունը։
G20-ի արտգործնախարարների հանդիպումը տեղի է ունենում Ինդոնեզիայում՝ Ռուսաստանի և արևմտյան երկրների հարաբերություններում աճող լարվածության համապատկերին։
Նախօրեին Բալիում հրավիրվել էր պատվիրակների ողջույնի ընթրիք։ Կիդո լրատվական գործակալության փոխանցմամբ՝ G7 երկրների դիվանագիտական գերատեսչությունների ղեկավարները որոշել են չմասնակցել ընթրիքին՝ ի նշան Լավրովի ներկայության դեմ բողոքի։
Իսկ ԱՄՆ պետքարտուղար Էնթոնի Բլինկենը հայտարարել է, թե ռուսական կողմի ներկայության պատճառով G20-ի նախարարների ընդհանուր լուսանկարին չի մասնակցի, Ինչին Լավրովը պատասխանել է, թե Բլինքենին չի հրավիրել իր հետ լուսանկարվելու։
«Ինչ վերաբերում է ինձ հետ հանդիպումների, ինձ հետ չլուսանկարվելու մասին հայտարարություններին, ապա ես ոչ մեկին չեմ հրավիրել լուսանկարվելու: Եվ ընդհանրապես ոչ մեկին ոչ մի տեղ չեմ հրավիրել: Ինձ հրավիրել է Ինդոնեզիան»,- լրագրողներին ասել է Լավրովը:
