Թուրքիայից կարող են ահաբեկիչներ ներթափանցել Հայաստան, խոցելի է դառնում մեր անվտանգությունը (տեսանյութ)
Արմինե Սիմոնյանի «Մենք» հեղինակային հաղորդաշարի հյուրը թուրքագետ Տիրան Լոքմագյոզյանն է:
-Թուրքիայի բոլոր ցանկությունները միանշանակորեն ընդունվում են ՀՀ իշխանության կողմից։ Ինչ ասում է Թուրքիան՝ մենք միանգամից կատարում ենք։
-Հայ-թուրքական սահմանը բացում են ոչ թե երկու կողմերի ժողովուրդների համար, այլ ինչ-որ երրորդ երկրի քաղաքացիների համար։ Աշխարհում կա՞ նման սահման, որը չի բացվում երկու կողմերի ժողովուրդների համար, այլ երրորդ երկրների համար․ նման բան չկա։ Ուրեմն, սա ի՞նչ նպատակ է հետապնդում։
-Ովքե՞ր են հսկելու Հայաստանի անվտանգությունը․ վտանգ կա ահաբեկիչների ներթափանցման։
-Թուրքիան ՀՀ-ից միայն միջանցք է ուզում, շեշտեմ՝ ճանապարհ չի ուզում։ Բայց քանի որ այստեղ շատ են խաղացողները, ապա նրա ոչ բոլոր ցանկություններն են կատարվում։
-Թուրքիան փոքր քայլերով իրականացնում է իր հիմնական՝ 100 տարվա երազանքը։ Ի դեպ, թուրքական՝ փոքր քայլերի քաղաքականությանը միացել է նաև ՀՀ իշխանությունը, Փաշինյանը ևս խոսում է փոքր քայլերով առաջ գնալու, հարաբերությունները կարգավորելու մասին։
-Ալիևի ու Էրդողանի նպատակը ամբողջ Զանգեզուրը՝ Սյունիքը վերցնելն է։
-Գնացեք նայեք թուրքական պաշտոնական սայթերը ու կտեսնեք, թե ի՜նչ են թուրքերը մտածում Հայաստանի ու հայերի մասին, տեսեք թե մեր մասին ո՜նց են արտահայտվում, ու դրանով առաջանորդվեք․․․
-Թուրքիան ուղղակիորեն խառնվում է Հայաստանի ներքին գործերին։ Իսկ ՀՀ իշխանությունը նրանաց հետ համագործակցում է, ու դրա համար Թուրքիան ամեն ինչ անում է, որ այս իշխանությունը մնա։ Դրա համար իրենց դուր չի գալիս, որ ՀՀ-ում կան այլ կարծիք ունեցող մարդիկ, որոնց նրանք ռևանշիստներ են անվանում։
Հարցազրույցն ամբողջությամբ դիտեք տեսանյութում։