Իրանում լրտեսության կասկածանքով ձերբակալվել է Մեծ Բրիտանիայի փոխդեսպանը
Իսլամական հեղափոխության պահապանների կորպուսի (Իրանի զինված ուժեր) հետախուզության վարչությունը լրտեսության կասկածանքով ձերբակալել է մի քանի օտարերկրացիների, այդ թվում՝ Թեհրանում Մեծ Բրիտանիայի երկրորդ պատվիրակ Ջայլս Ուիտակերին: Այս մասին հուլիսի 6-ին հայտնել է Reuters գործակալությունը՝ հղում անելով Իրանի պետական հեռուստատեսությանը, որը հաղորդում է ցուցադրել միջադեպի մասին։
«Այս լրտեսները հողի նմուշներ էին վերցնում Իրանի կենտրոնական անապատից, որտեղ անցկացվում էին Հեղափոխության պահապանների հրթիռային և տիեզերական զորավարժությունները», – հաղորդել է Իրանի պետական հեռուստատեսությունը:
Սյուժեում ցույց են տվել կադրեր, որտեղ դիվանագետն ու նրա ընտանիքը հողի նմուշներ էին վերցնում կենտրոնական Իրանից: Հետախուզական գործակալության տվյալներով՝ նմուշները վերցվել են այն վայրի մոտ, որտեղ իրականացվել են հրթիռային փորձարկումները։
Եվս երկու օտարերկրացու ինքնությունը պարզվել է՝ մեկը Իրանում Ավստրիայի մշակութային կցորդի ամուսինն է, իսկ մյուսը Լեհաստանի համալսարանի պրոֆեսոր Մաչեյ Վալչակը, որը, ըստ տեղեկությունների, Իրան էր այցելել որպես զբոսաշրջիկ:
Դատելով ռեպորտաժից՝ գործընկերները գիտական փոխանակման ծրագրի շրջանակներում Իրան այցելելուց հետո մեկ այլ տարածքում հողի նմուշներ են հավաքել: Ինչպես հաղորդում է իրանական հեռուստատեսությունը, նմուշների հավաքումը համընկել է նաև Իրանի հարավային Քերման նահանգում հրթիռային փորձարկման հետ:
Նշվում է, որ Ուիտակերը վտարվել է տարածքից՝ ներողություն խնդրելուց հետո։
Reuters-ի փոխանցմամբ՝ վերջին տարիներին Իրանի էլիտար հեղափոխության պահապանները ձերբակալել են տասնյակ երկքաղաքացիների և օտարերկրացիների՝ հիմնականում լրտեսության և անվտանգության մեղադրանքով: Թեհրանը հերքում է քաղաքական դրդապատճառներով մարդկանց ձերբակալությունը։
Նշեք, որ Իրանում լրտեսությունը պատժվում է մահապատժով:
