Ղազախստանը երկարաձգել է նավթամթերքների արտահանման արգելքը
Ղազախստանից բենզինի, դիզելային վառելիքի և նավթամթերքի այլ տեսակների ապրանքներն ավտոմոբիլային ճանապարհով արտահանման արգելքը, որի ժամկետը լրացել էր, վեց ամսով վերսկսվել է: «Ինտերֆաքս»-ի տեղեկացմամբ, մասին հայտնի է դարձել Ղազախստանի էներգետիկայի նախարարի և այլ գերատեսչությունների արտահանման մասին համատեղ հրամանից։
«Վեց ամիս ժամկետով արգելք մտցնել Ղազախստանի Հանրապետության տարածքից ավտոմոբիլային տրանսպորտով բենզինի, դիզվառելիքի և նավթամթերքի որոշ տեսակների արտահանման համար, բացառությամբ քսայուղերի, ինչպես նաև ավտոմոբիլային տրանսպորտային միջոցներ արտադրողի կողմից տրամադրվող գազաբալոններով, ինչպես նաև 20 լիտրից ոչ ավելի ծավալով առանձին տարաներով արտահանման»,-ասված է հրամանում։
Արգելքն ուժի մեջ է մտնում 2022 թվականի հուլիսի 12-ից։
Ինչպես հաղորդվում է, ավտոմոբիլային ճանապարհով նավթամթերքների (դիզվառելիք և նավթամթերքի որոշ տեսակներ) արտահանման արգելքը, որը սահմանվել էր 2021 թվականի նոյեմբերին, ավարտվել է 2022 թվականի մայիսի 21-ին։ Ղազախստանի էներգետիկայի նախարարության ղեկավար Բոլատ Ակչուլակովը հայտնել է, որ մորատորիումը կերկարաձգվի ևս վեց ամսով։
