Երթի մասնակիցները Ջհանգիրյանի և ԵՄ դեսպանի պատկերով պաստառը նետեցին ԱԺ ճաղավանդակների դիմաց
«Դիմադրություն» շարժման մասնակիցները, որոնք բողոքի ակցիա էին իրականացնում Հայաստանում ԵՄ գրասենյակի մոտ, երթով շարժվեցին դեպի Սարյան պուրակ:
Հասնելով ԱԺ դարպասների մոտ, երթի մասնակիցները փաթաթեցին Գագիկ Ջհանգիրյանի և ԵՄ դեսպան Անդրեա Վիկտորինի պատկերով մեծ պաստառը և նետեցին ԱԺ ճաղավանդակների դիմաց: «Ախր էս շենքից են իրեն բերել, գցել մեր ջանին: Դրա համար, հիմա փաթեթավորած հետ ենք տալիս իրեն Ազգային ժողովին»,-ասաց ակցիայի մասնակիցներից մեկը:
Սարյան պուրակում ԱԺ «Հայաստան» խմբակցության պատգամավոր Արամ Վարդևանյանը տեղեկացրեց, որ վաղը՝ հուլիսի 5-ին, ժամը 11:00-ին Արամ Խաչատրյանի արձանի մոտից երթ է կազմակերպվելու:
Հիշեցնենք, որ «Դիմադրություն» շարժումը բողոքի ակցիա է իրականացրել։ Բաղրամյան պողոտայից նրանք ԱԺ-ի մոտից երթով շարժվել են Հայաստանում Եվրոպական Միության գրասենյակ:
