ԱՄՆ-ը Եվրոպայում զորակազմի ավելացման մեջ սադրանք չի տեսնում
Մոսկվան պատճառ չունի Արևելյան Եվրոպայում ԱՄՆ-ի և ՆԱՏՕ-ի զորակազմի ավելացումը որպես սադրանք համարելու, Bloomberg-ին տված հարցազրույցում ասել է Սպիտակ տան Ազգային անվտանգության խորհրդի հաղորդակցության համակարգող Ջոն Քիրբին։
Ավելի վաղ ԱՄՆ նախագահ Ջո Բայդենը հայտարարել էր Եվրամիությունում՝ Լեհաստանում ԱՄՆ հինգերորդ բանակային կորպուսի մշտական շտաբ ստեղծելու մտադրության մասին։ Ամերիկացի առաջնորդի խոսքով՝ իշխանությունները կուժեղացնեն իրենց ուժերը «ամբողջ արևելյան թևի երկայնքով»։ Բայդենը նաև հայտարարել է Ռումինիայում մի քանի հազար զինվորից բաղկացած «լրացուցիչ» բրիգադ տեղակայելու մտադրության մասին։
«Ռուսաստանի նախագահ Վլադիմիր Պուտինը որևէ պատճառ չունի արևելյան թևում ՆԱՏՕ-ի ուժերի քանակի փոփոխությունը որպես սադրանք համարելու», – «ՌԻԱ Նովոստի»-ն մեջբերում է Քիրբիի խոսքերը:
Սպիտակ տան խոսնակը նաև ընդգծել է, որ ՆԱՏՕ-ն միշտ եղել և կլինի պաշտպանական դաշինք: