Աշխաբադում տեղի կունենա Պուտինի և Ռաիսիի հանդիպումը
Ռուսաստանի նախագահ Վլադիմիր Պուտինը և Իրանի նախագահ այաթոլլա Սեյեդ Էբրահիմ Ռաիսին կհանդիպեն չորեքշաբթի օրը Աշխաբադում (Թուրքմենստան) կայանալիք Մերձկասպյան երկրների գագաթնաժողովի շրջանակներում: Գրում է ParsToday-ը:
ՌԴ նախագահի խորհրդական Յուրի Ուշակովը հայտնել է, որ Պուտինը Թուրքմենստանում կմասնակցի մերձկասպյան երկրների վեցերորդ գագաթնաժողովին, որտեղ առանձին կհանդիպի Իրանի և Ադրբեջանի նախագահներ այաթոլլա Սեյեդ Էբրահիմ Ռաիսիի և Իլհամ Ալիևի հետ։
Չորեքշաբթի օրը, գլխավորելով բարձրաստիճան պատվիրակությունը, ԻԻՀ նախագահ Էբրահիմ Ռաիսին կմեկնի Աշխաբադ՝ մասնակցելու Մերձկասպյան երկրների վեցերորդ գագաթնաժողովին:
Գագաթնաժողովում ելույթից բացի, ԻԻՀ նախագահը առանձին հանդիպումներ կունենա նաև մասնակից երկրների ղեկավարների հետ:
